Kung yaring puso ay isang bulaklak
Hagkan mo't ang bango'y samyuin ng lahat
At kung magsawa ka sa bangong nilanghap
Lugasin at kamay mo ang hahalimuyak
Kung yaring buhay ay silid na munti
Bukod tanging ikaw ang magmamay-ari
Alak ng ligaya ang haing palagi
Sa ibang anyaya'y pinto'y nakasusi
Mailap mang ibong ang aking pag-ibig
Ay liligaya rin sa pagkakapiit
Siya'y magpupugad sa mutya kong dibdib
At walang pambuhay kundi ang iyong halik
Ngunit ako'y ako at ikaw ay ikaw
Lupa't langit waring taklob habang araw
Ay lupa ri't langit na magkahiwalay
Kalangitan ka nga't
Ako ay libingan
---
Ang emo ni Amado
Subscribe to:
Post Comments (Atom)
1 comment:
Grabeng nakasusugat ng puso ang mga salita ni Ka Amado!
Post a Comment