"Magtiis...gumawa!" ulit ng maysakit nang buong kapaitan. "Aaa! Madaling sabihin ito kapag hindi nagdurusa...kapag ginagantimpalaan ang gawain. Humihingi ang inyong Diyos ng napakalaking pagtitiis sa tao na halos hindi makaasa sa kasalukuyan at nag-aalinlangan sa hinaharap. Kung nakita sana ninyo ang mga nakita ko, mga kawawa, mga sawimpalad na nagtitiis ng di-mailarawang pahirap dahil sa mga krimeng hindi nila ginawa, mga pagpatay upang pagtakpan ang isang pagkukulang at kawalan ng kakayahan, mga kawawang ama ng pamilya, inagaw mula sa kanilang tahana upang gumawa nang walang-kabuluhan sa mga lansangang nasisira tuwing umaga at waring pinananatili lamang upang wasakin ang mga pamilya. Aaa! Magtiis...gumawa. Ito ba ang kalooban ng Diyos? Kumbinsihin ninyo silang mga sawimpalad na kaligtasan nila ang pagpatay sa kanila,na kaunlaran ng tahanan nila ang ginagawa nila! Magtiis...gumawa. Ano bang Diyos iyan?"
"Isang Diyos na lubhang makatarungan, Ginoo,"
sagot ng saserdote.
El Filibusterismo (V. Almario)
skip to main |
skip to sidebar
Ikaw si?
- Janine Santos
- "Lumingon siya upang tanawing muli ang kanyang bahay, ang bahay na sumaksi sa paglaho ng kanyang mga huling pangarap bilang bata at sa pagkabuo ng kaniyang mga unang guniguni ng pagkadalaga. Ngunit nang mamalas niya itong mapanglaw, nag-iisa, pinabayaan, bahagyang nakapinid ang mga durungawan, walang tao, at madilim na tulad sa mga mata ng isang patay; nang maulinigan niya ang mahinang lawiswis ng mga kawayang umiindayog sa sariwang bugso ng hangin sa umaga na waring bumubulong ng "paalam", napawi ang kaniyang kasiglahan, napahinto, namuo ang luha sa kaniyang mga mata, napaupo sa isang puno na nabuwal sa tabi ng daan, at nanangis siya nang nanangis."
No comments:
Post a Comment